Tanishuv ko‘ngildagidek kechmoqda

Surxondaryo viloyatining turizm imkoniyatlarini xalqaro maydonda keng targ‘ib etish maqsadida Yaponiyaning yetakchi turoperatorlari delegatsiyasi Boysun tumaniga tashrif buyurdi.
Mehmonlar Sayrob chinori, hunarmandchilik markazlari va “Boysun bahori” turizm majmuasida bo‘lib, hududning boy tarixiy-madaniy merosi, milliy qadriyatlari hamda ekoturizm va etnoturizm yo‘nalishlaridagi imkoniyatlari bilan yaqindan tanishdilar.
Mazkur tashrif Boysunning xalqaro turizm bozoridagi jozibadorligini oshirish, yangi hamkorlik aloqalarini yo‘lga qo‘yish hamda Yaponiyadan tashrif buyuruvchi sayyohlar oqimini ko‘paytirish yo‘lida muhim qadam bo‘lib xizmat qiladi.