Bandixonlik g‘allakorlar peshqadam

Bandixon tumani mehnatkash dehqonlari davlatga g‘alla topshirish bo‘yicha belgilangan rejani viloyatda birinchilar qatorida muvaffaqiyatli ado etib, navbatdagi yuksak natijaga erishdi.
Joriy mavsumda 169 ta fermer xo‘jaligi tomonidan 4 ming gektar maydonda yetishtirilgan hosil hisobidan 13 ming tonnadan ortiq g‘alla xirmoni yaratildi. Ayniqsa, har gektardan 100 sentnergacha hosil olgan ilg‘or fermerlar tuman hokimligi tomonidan munosib taqdirlandi.
Ushbu yutuq qishloq xo‘jaligida samaradorlikni oshirish, oziq-ovqat xavfsizligini ta’minlash va xalqimiz dasturxoni to‘kinligini mustahkamlash yo‘lidagi fidokorona mehnatning yorqin natijasidir.