Tojikistonning Xo‘jand shahrida Sporting Karate bo‘yicha o‘tkazilgan Jahon kubogi musobaqasida Sariosiyo tumani Sharg‘un sport maktabi tarbiyalanuvchilari yuksak natijalarni qayd etib, yurtimiz sharafini munosib himoya qildi.
Musobaqada sportchilarimiz 5 ta oltin, 5 ta kumush va 4 ta bronza medalni qo‘lga kiritib, chempionlik kamari hamda kubok sohibiga aylandi. Bu muvaffaqiyat yoshlarimizning sportga bo‘lgan intilishi, murabbiylar mehnati va mamlakatimizda sportni rivojlantirish borasidagi islohotlarning amaliy samarasini yana bir bor namoyon etdi.
Sariosiyolik sportchilarning xalqaro maydondagi ushbu yutug‘i yurtimiz sporti nufuzini yanada yuksaltirishga xizmat qilmoqda.
