Prezident topshirig‘iga muvofiq, Qoraqalpog‘iston Respublikasi, viloyatlar, Toshkent shahri hamda tuman va shahar hokimlari, shuningdek ularning o‘rinbosarlari Xalq qabulxonalarida muntazam shaxsiy qabullar o‘tkazadi.
Yangi tartib fuqarolarga o‘z muammo va takliflarini bevosita hudud rahbarlariga yetkazish, murojaatlarning tezkor va samarali hal etilishini ta’minlashga xizmat qiladi. Qabullar uchun aniq kun va vaqtlar belgilangan bo‘lib, ular o‘z vaqtida e’lon qilib boriladi.
Bu tashabbus davlat organlari va aholi o‘rtasidagi muloqotni kuchaytirish hamda joylardagi muammolarni manzilli hal etishda muhim qadam sifatida baholanmoqda.
