Qiziriq tumani Ichki ishlar bo‘limida probatsiya hisobida turgan fuqarolar ishtirokida sayor sud majlisi bo‘lib o‘tdi. Unda sud organlari, tuman IIB mas’ul xodimlari probatsiya xizmati vakillari qatnashdi.
Sayyor sud davomida probatsiya nazoratida bo‘lgan fuqarolarning xulq-atvori, belgilangan talablarga rioya etish holati, ijtimoiy hayotga moslashuvi hamda qonuniy majburiyatlarni bajarishi yuzasidan ishlar ko‘rib chiqildi. Shuningdek, 7 nafar mahkumlarni O’zRes JKning 73-moddasiga asosan muddatidan oldin jazodan shartli ravishda ozod etildi, aksincha, jazodan bo’yin tovlagan 1 nafar mahkumning jazosi ozodlikdan mahrum qilish jazosiga almashtirildi.
Mazkur sayor sudning asosiy maqsadi — fuqarolarni jamiyatga qayta moslashtirish, qonunbuzarliklarning oldini olish hamda ularda qonunga hurmat hissini yanada oshirishdan iborat bo‘ldi.
