Surxondaryo viloyati umumta’lim maktablaridagi “Vatan tayanchi” otryadining faol a’zolariga Termiz harbiy prokurori Sh. Mirzayev tomonidan imtiyozli tavsiyanomalar topshirildi.
Mazkur tavsiyanomalar yoshlarga harbiy va huquqni muhofaza qiluvchi organlar tizimidagi oliy ta’lim muassasalariga o‘qishga kirishda muhim imkoniyatlar yaratadi. Bu tashabbus yosh avlodni vatanparvarlik ruhida tarbiyalash, ularning iqtidori va sa’y-harakatlarini munosib rag‘batlantirish hamda kelajakka bo‘lgan ishonchini mustahkamlashda muhim ahamiyat kasb etadi.
Bunday e’tirof va qo‘llab-quvvatlashlar mamlakatimiz uchun sadoqatli, bilimli va fidoyi kadrlarni tarbiyalashga xizmat qiladi.
