“Yuksalish” harakati Surxondaryo viloyat hududiy bo‘linmasi tashabbusi bilan “O‘zbekiston – 2030” strategiyasida belgilangan vazifalar ijrosiga bag‘ishlangan jamoatchilik eshituvi o‘tkazildi.
Unda ichimlik suvi ta’minoti tizimida sifat monitoringini takomillashtirish, suvdan oqilona foydalanish madaniyatini oshirish hamda turizm xizmatlarini diversifikatsiya qilish va yangi yo‘nalishlarni rivojlantirish bo‘yicha amalga oshirilayotgan ishlar muhokama qilindi.
Eshituv davomida “Surxondaryo suv ta’minoti” AJ va viloyat Turizm boshqarmasi mas’ullarining axborotlari tinglanib, sohalarni yanada rivojlantirishga qaratilgan taklif va tavsiyalar ishlab chiqildi. Mazkur tavsiyalar tegishli tashkilotlarga taqdim etilib, davlat dasturi ijrosining samaradorligini oshirishga xizmat qiladi.
