“Yuksalish” harakati va Oliy Majlis Qonunchilik palatasi huzuridagi Yoshlar parlamenti hamkorligida hududlarda fokus-guruh uchrashuvlari o‘tkazildi. Muloqotlar davomida yoshlarning faolligi, mavjud imkoniyatlardan foydalanish darajasi hamda ularni qiynayotgan dolzarb masalalar muhokama qilindi.
Ishtirokchilar ta’lim, bandlik, tadbirkorlik va yoshlar tashabbuslarini qo‘llab-quvvatlash bo‘yicha muhim takliflarni ilgari surdilar. Bildirilgan fikr va tashabbuslar yoshlar siyosatini yanada takomillashtirish, islohotlar samaradorligini oshirish hamda yoshlar ehtiyojlariga mos yangi yechimlarni ishlab chiqishda muhim asos bo‘lib xizmat qilishi qayd etildi.
