O‘ziga ishonchi ortdi

Termiz shahridagi voyaga yetmaganlarga ijtimoiy-huquqiy yordam ko‘rsatish markazida tarbiyalanayotgan o‘g‘il-qizlar uchun tabiat qo‘ynida psixologik-trening mashg‘ulotlari tashkil etildi. Tadbir davomida yoshlarning ruhiy barqarorligini mustahkamlash, o‘ziga bo‘lgan ishonchini oshirish hamda jamoada ishlash ko‘nikmalarini rivojlantirishga alohida e’tibor qaratildi.
Interaktiv mashqlar va jamoaviy o‘yinlar orqali ishtirokchilarda hamkorlik, mas’uliyat va o‘zaro hurmat tuyg‘ulari mustahkamlandi. Bunday tadbirlar yoshlarning sog‘lom dunyoqarashini shakllantirish, ijtimoiy moslashuvini kuchaytirish va ularning jamiyatda munosib o‘rin egallashiga xizmat qilishi bilan ahamiyatli bo‘ldi.