Sho‘rchi tumanida aholiga arzon va sifatli oziq-ovqat mahsulotlarini yetkazib berish maqsadida dehqon bozori hududida arzonlashtirilgan yarmarka o‘tkazildi.
Yarmarkada go‘sht, un, yog‘, kartoshka, piyoz, sabzi, tuxum, guruch va boshqa qishloq xo‘jaligi mahsulotlari bozor narxidan arzon narxlarda sotuvga chiqarildi. Shuningdek, mahalliy fermer va ishlab chiqaruvchilarning yangi hamda sifatli mahsulotlari ham taklif etildi.
Mazkur tashabbus aholining xarid qobiliyatini qo‘llab-quvvatlash, ichki bozorda narxlar barqarorligini ta’minlash va iste’molchilar uchun qulay sharoit yaratishga xizmat qilmoqda.
