O‘zbekistonda ko‘kalamzorlashtirish ishlarida faol qatnashayotgan fuqarolar va tadbirkorlarni rag‘batlantirish uchun yangi tizim joriy etilishi rejalashtirilmoqda. Unga ko‘ra, “Yashil makon” loyihasi doirasida hissa qo‘shganlarga maxsus maqom va davlat mukofotlari beriladi.
Masalan, 100 tup daraxt ekkan yoki 10 mln so‘m xayriya qilgan fuqarolarga “ekofaol fuqaro”, 1000 tup daraxt ekkan tadbirkorlarga “ekohamkor” maqomi beriladi. Eng katta hissa qo‘shgan — 5000 ga yaqin ko‘chat ekkan yoki 5 mlrd so‘m xayriya qilgan shaxslarga esa “metsenat” maqomi taqdim etiladi. Bundan tashqari, kamida 5 ta yashil bog‘ tashkil etishda faol qatnashganlar “Kelajak bunyodkori” davlat mukofoti bilan taqdirlanadi.
Bu tashabbus ekologik muammolarni kamaytirish, havoni tozalash va jamiyatda ekologik mas’uliyatni kuchaytirishda muhim ahamiyat kasb etadi.
