Termiz shahridagi Termiz davlat muhandislik va agrotexnologiyalar universitetida Surxondaryo (O‘zbekiston) – Shansi (Xitoy) biznes-forumi bo‘lib o‘tdi. Tadbir doirasida Xitoy delegatsiyasi bilan uchrashuvlar tashkil etilib, hududlararo hamkorlikni kengaytirish va qo‘shma investitsiya loyihalarini amalga oshirish masalalari muhokama qilindi.
Forum davomida Surxondaryo viloyatining iqtisodiy, eksport va investitsiyaviy salohiyati taqdim etildi, shuningdek, amaliy muzokaralar olib borildi. Yakunda tomonlar o‘zaro manfaatli hamkorlikni rivojlantirish hamda istiqbolli loyihalarni hayotga tatbiq etish bo‘yicha kelishuvlarga erishdi.
Mazkur forum hududga xorijiy investitsiyalarni jalb qilish, yangi ish o‘rinlari yaratish va iqtisodiy rivojlanishni jadallashtirishda muhim ahamiyat kasb etadi.
