Prezidentning qaroriga ko‘ra, 2026-yil 1-apreldan pilla yetishtiruvchilarga pilla uchun to‘langan mablag‘ning 35 foizi miqdorida subsidiyalar beriladi. Kam ta’minlangan oilalarga tutzor tashkil etish uchun 4 million so‘mdan subsidiyalar ajratiladi.
Shuningdek, ipak qurti parvarishlash uchun zarur jihozlarni xarid qilishga kasanachilar 3 yilgacha BHMning 50 baravarigacha foizsiz ssuda olish imkoniyatiga ega bo‘ladi. Urug‘chilik korxonalariga esa mavsumiy ishchilarning ish haqi qismi kompensatsiya qilinadi.
