Maktabgacha va maktab ta’limi vaziri E’zoza Karimova Surxondaryo viloyatida bo‘lib, hududdagi ta’lim muassasalari faoliyati bilan tanishdi. Tashrifda Ijtimoiy himoya milliy agentligi direktori Mansurbek Olloyorov hamda UNICEFning O‘zbekistondagi vakolatxonasi rahbari Rexina Mariya Kastijio ishtirok etdi.
Termiz shahridagi 2- va 3-maktablarda yaratilgan sharoitlar, xususan inklyuziv ta’limni rivojlantirish borasidagi amaliy ishlar ko‘zdan kechirildi. Xususan, ISHONCH “Uzbekistan Vision 2030” jamg‘armasi hamkorligida alohida ta’lim ehtiyoji bo‘lgan o‘quvchilar uchun zamonaviy va qulay muhit yaratilgani e’tirof etildi.
Vazir ustozlar va o‘quvchilar bilan muloqot qilib, ularning taklif va mulohazalarini tingladi hamda ta’lim sifati va inklyuziv muhitni yanada takomillashtirish yuzasidan mas’ullarga tegishli topshiriqlar berdi.
Mazkur tashrif hududlarda ta’limda teng imkoniyatlarni ta’minlash, ijtimoiy himoya va xalqaro hamkorlik asosida inklyuziv ta’limni kengaytirish yo‘lidagi sa’y-harakatlarning amaliy ifodasi bo‘ldi.
