O‘zbekiston Respublikasi Prezidentining 2026-yil 17-fevraldagi PQ–67-sonli qaroriga muvofiq, ijtimoiy reyestrda ro‘yxatda turgan 6 ming nafar bemorning davolanishi va jarrohlik amaliyotlari bilan bog‘liq xarajatlarini qoplash belgilangan.
Mazkur qaror ijrosi doirasida Boysun tumanida ham ijtimoiy reyestrda ro‘yxatda turgan 12 nafar fuqaroga bepul davolanish va jarrohlik amaliyotlarini o‘tkazish uchun vaucherlar bosqichma-bosqich topshirilmoqda.
Bu insonparvar tashabbus og‘ir xastalikdan aziyat chekayotgan fuqarolar va ularning oila a’zolariga katta quvonch bag‘ishlamoqda. Davolanish xarajatlarining qoplanishi ularga nafaqat moddiy yengillik, balki ertangi kunga ishonch va umid baxsh etmoqda. Mazkur amaliy yordam aholining ijtimoiy himoyasini kuchaytirish, ehtiyojmand insonlarni qo‘llab-quvvatlash va ularning salomatligini asrash yo‘lidagi muhim qadam bo‘lib xizmat qilmoqda.
Xilola Inotullayeva,
Respublika shoshilinch tez tibbiy yordam ilmiy markazi
Surxondaryo filiali qabul qilish va diagnostika bo‘limi hamshirasi
