Yangi qonunga muvofiq, davlat o‘rmon xo‘jaligi organlariga o‘rmon fondining foydalanilmayotgan yerlarini jismoniy va yuridik shaxslarga elektron onlayn-auksion orqali ijara huquqi asosida berish vakolati berildi. Ushbu tartib yer resurslaridan samarali foydalanish, investitsiyalarni jalb etish va tadbirkorlikni qo‘llab-quvvatlashga qaratilgan.
Qonun bilan, shuningdek, ayrim tadbirkorlik faoliyatlari uchun litsenziya va ruxsatnomalarning amal qilishini 10 kundan ortiq, biroq 6 oydan ko‘p bo‘lmagan muddatga to‘xtatib turish imkoniyati joriy etildi.
Bundan tashqari, “Aholi bandligi to‘g‘risida”gi qonunga kiritilgan o‘zgartirishlarga asosan, o‘zini o‘zi band qilgan shaxslar ixtiyoriy ravishda BHMning kamida 1 baravari miqdorida ijtimoiy soliq to‘lashlari belgilandi.
