Qumqo‘rg‘on tumanidagi “Besh qahramon” mahallasi hududida tun-u kun faoliyat yurituvchi 24/7 rejimidagi savdo va xizmat ko‘rsatish ko‘chasi tashkil etilgan. U yerda tartib-intizomni ta’minlash, piyodalar va transport harakati xavfsizligini oshirish hamda hudud qiyofasini yaxshilash maqsadida noqonuniy o‘rnatilgan savdo rastalarini tartibga keltirish bo‘yicha tegishli chora-tadbirlar amalga oshirilmoqda.
Xususan, tuman hokimi Farrux Xoliqov hamda mutasaddi tashkilotlar tomonidan savdo ko‘chasida noqonuniy joylashtirilgan rastalar xatlovdan o‘tkazilib, tadbirkorlar va savdogarlarga amaldagi qonunchilik talablari tushuntirildi. Belgilangan talab va me’yorlarga javob bermaydigan, piyodalar yo‘laklari hamda yo‘l qatnov qismiga to‘sqinlik qilayotgan savdo nuqtalarini bosqichma-bosqich bartaraf etish ishlari olib borilmoqda.
