Surxondaryo viloyatida aholi va qishloq xo‘jaligini ro‘yxatga olish tadbirlarini samarali tashkil etish masalalariga bag‘ishlangan kengaytirilgan yig‘ilish bo‘lib o‘tdi. Unda viloyat, shahar va tuman shtablarining faoliyati hamda tayyorgarlik jarayonlari muhokama qilindi.
Yig‘ilishni O‘zbekiston Respublikasi Favqulodda vaziyatlar vaziri o‘rinbosari N. Qodirov olib bordi. Tadbirda aholini onlayn ro‘yxatdan o‘tkazish ko‘rsatkichlari hududlar kesimida tahlil qilinib, targ‘ibot va tushuntirish ishlarini kuchaytirish zarurligi ta’kidlandi.
Shuningdek, joylardagi texnik va tashkiliy masalalarni tezkor hal etish bo‘yicha mas’ullarga aniq tavsiyalar berildi.
