Sherobod tumanida jinoyatchilik va huquqbuzarliklarning oldini olish maqsadida jinoyat ishlari bo‘yicha tuman sudi, prokuratura hamda ichki ishlar bo‘limi hamkorligida “Sayyor sud” yig‘ilishi bo‘lib o‘tdi.
Yig‘ilishda probatsiya hisobida turgan 8 nafar shaxs Jinoyat kodeksining 73-moddasiga asosan jazodan muddatidan ilgari ozod etildi. Shuningdek, nazoratdagi 3 nafar shaxsga nisbatan jazo turi og‘irlashtirildi.
Tadbir yakunida ishtirokchilarga jinoyatchilikdan yiroq bo‘lish, sud-huquq sohasidagi yangiliklar hamda korrupsiyaning oldini olish masalalari bo‘yicha tushuntirishlar berildi.
