Denov tumani Oila va xotin-qizlar bo‘limi hamda tuman madaniyat bo‘limi hamkorligida xorijda mehnat qilayotgan fuqarolar oilalari, xususan, ularning farzandlari uchun xayriya tadbiri tashkil etildi. Mazkur tadbirga tumandagi 110 nafar bolajon taklif etildi. Ularning Vatanga bo‘lgan mehrini yanada oshirish hamda bo‘sh vaqtlarini mazmunli o‘tkazish tadbirning asosiy maqsadlaridan bo‘ldi.
Tadbir davomida bolajonlar o‘z iqtidorlarini namoyon etib, she’rlar o‘qishdi, qo‘shiqlar kuylashdi hamda turli ko‘ngilochar chiqishlarda faol ishtirok etdilar. Yakunda esa bolajonlarga bayram sovg‘alari ulashilib, ularning qalbiga quvonch bag‘ishlandi.
