Jamoatchilik muhokamasiga qo‘yilgan qonun loyihasiga muvofiq, Ma’muriy javobgarlik to‘g‘risidagi kodeks 204-2-modda — “Suv obyektlarida xavfsizlik qoidalarini buzish” bilan to‘ldirilishi rejalashtirilmoqda.
Loyihaga ko‘ra, belgilanmagan va taqiqlangan joylarda cho‘milgan shaxslarga bazaviy hisoblash miqdorining 1 baravaridan 5 baravarigacha, ya’ni 412 ming so‘mdan 2 million 60 ming so‘mgacha jarima solinishi mumkin.
Mazkur taklif suvda xavfsizlikni ta’minlash, baxtsiz hodisalarning oldini olishga qaratilgan. Qonun loyihasi muhokamasi 9-yanvargacha davom etadi va fuqarolar o‘z taklif va mulohazalarini bildirishlari mumkin.
