Yaponiya Ilmiy-texnologik rivojlanish instituti olimlari olib borgan tadqiqotlar davomida qurbaqalar, kaltakesaklar hamda tritonlar ichagida saraton hujayralariga qarshi kuchli ta’sir ko‘rsatuvchi bakteriyalar mavjudligini aniqladi.
Tadqiqot natijalariga ko‘ra, eng yuqori faollik yapon qurbaqalaridan ajratib olingan Ewingella americana bakteriyasida kuzatilgan. Ushbu bakteriya yo‘g‘on ichak saratoniga chalingan sichqonlar ustida o‘tkazilgan tajribalarda sinovdan o‘tkazildi.
Olib borilgan tajribalar shuni ko‘rsatdiki, bakteriyaning bir martalik vena ichiga yuborilishi barcha tajriba hayvonlarida o‘smaning to‘liq yo‘qolishiga olib kelgan. Bu natija immunoterapiya va kimyoterapiya kabi an’anaviy davolash usullariga nisbatan ancha samaraliroq ekani bilan e’tiborni tortdi.
Mazkur ilmiy kashfiyot kelajakda saraton kasalligini davolashda yangi va innovatsion yondashuvlarni ishlab chiqish uchun muhim poydevor bo‘lishi mumkin.
