Muzrabot tumanidagi 15 ta mahallada infratuzilmani rivojlantirish ishlari izchil davom etmoqda. Xususan, Sopollitepa mahallasida aholi turmush sharoitini yaxshilashga qaratilgan bir qator muhim loyihalar amalga oshirilmoqda.
Jumladan, 1 kilometr piyodalar yo‘lakchasi qurilishi, To‘da qishlog‘ida 1 ta davlat maktabgacha ta’lim tashkiloti barpo etilishi rejalashtirilgan. Shuningdek, 16 kilometr asosiy va ichki yo‘llar asfaltlanmoqda, 27 kilometr elektr tarmoqlari mukammal ta’mirlanib, 250 kVA quvvatga ega 4 ta transformator o‘rnatilmoqda.
Ayni paytda mahallada piyodalar yo‘lakchasini barpo etish va yo‘llarni asfaltlashga tayyorlash ishlari jadal sur’atlarda olib borilmoqda.
