So‘nggi haftalarda Surxondaryo viloyati delegatsiyalari Eron va Rossiyaga tashriflar uyushtirib, hamkorlik aloqalarini kengaytirish bo‘yicha kelishuvlar erishildi. Viloyat hokimi Ulug‘bek Qosimov tashriflar natijalari va imzolangan bitimlar yuzasidan hisobot bilan tanishdi hamda ularni amalga oshirish bo‘yicha mas’ullarga manzilli topshiriqlar berdi.
Shundan so‘ng, viloyat rahbari Termiz shahridagi Alisher Navoiy ko‘chasida qurilishi rejalashtirilayotgan ko‘p qavatli turar joylar, biznes markazi, maktabgacha ta’lim muassasasi va klinika binolari loyihalari bilan tanishdi. Qurilish ishlarini shaharsozlik me’yorlariga muvofiq, xavfsizlik talablariga qat’iy rioya qilgan holda sifatli amalga oshirish hamda jarayonlarni doimiy nazorat qilish bo‘yicha vazifalar belgilab berildi.
