Surxondaryo viloyati hokimi Ulug‘bek Qosimov bugungi o‘rganishlarini Qumqo‘rg‘on tumanida davom ettirdi. Dastlab, “Bobolochin” mahallasida bo‘sh turgan “Madaniyat uyi” binosidan samarali foydalanish bo‘yicha taqdimotlar ko‘rib chiqildi. Shuningdek, tumanda bo‘sh turgan davlat obyektlarini xatlovdan o‘tkazish, ma’muriy binolarni maqbullashtirish, tadbirkorlik va shaharsozlik faoliyati uchun bo‘sh yer maydonlarini auksionga chiqarish ishlari muhokama qilindi.
Har bir loyiha va yo‘nalish bo‘yicha mas’ullarning axborotlari tinglandi. Binoning holati o‘rganilib, uni davlat-xususiy sherikchilik asosida faoliyat yo‘nalishini saqlagan holda aholi uchun hordiq chiqarish imkoniyatlarini yaratish bo‘yicha topshiriqlar berildi.
