“Sen iste’dodlisan” tanlovining respublika bosqichi doirasida imkoniyati cheklangan o‘quvchilarning chizgan ijodiy ishlari uchun auksion savdosi tashkil etildi. Ushbu savdodan surxondaryolik yakka tartibda ta’lim oladigan o‘quvchi Mushtariy Turg‘unboyevaning san’at asari ham o‘rin egalladi.
Yuragi ijodga to‘la, tasvirlar orqali o‘z dunyosini ifodalay oladigan ushbu o‘quvchining kartinasi 2 million so‘m qiymatga ega deb topildi va uni Maktabgacha va maktab ta’limi vaziri o‘rinbosari Farhod Boqiyev xarid qildi.
