Surxondaryoning atoqli farzandi, O‘zbekiston xalq yozuvchisi Erkin A’zam 75 yoshni qarshi oldi. Shu munosabat bilan Termiz shahrida yozuvchining ijodiy hayotiga bag‘ishlangan tantanali madaniy tadbir o‘tkazildi.
Tadbirda Surxondaryo viloyati hokimi Ulug‘bek Qosimov so‘zga chiqib, adibni viloyat ahli nomidan samimiy tabrikladi. Shuningdek, yozuvchi va jamoat arbobi Murod Muhammad Do‘st, rejissyor Jahongir Qosimov, shoir va adiblar, taniqli ijodkorlar hamda adibning yaqinlari ishtirok etishdi.
Erkin A’zam o‘zining chuqur ma’naviy mazmundagi asarlari, zamonaviy o‘zbek nasrining rivojiga qo‘shgan hissasi bilan xalq e’tiborini qozongan. Hozirda u “Tafakkur” jurnali bosh muharriri sifatida faoliyat olib bormoqda. Tadbir adib ijodiga bo‘lgan chuqur hurmat, minnatdorlik va iliq tilaklar ruhida o‘tdi.
