Toshkentdagi Olimpiya shaharchasida o‘tkazilayotgan Prezident Olimpiadasi musobaqalarida Jarqo‘rg‘on tuman sport maktabining iqtidorli sportchilari yuksak mahorat va g‘ayrat bilan ishtirok etib, Surxondaryo viloyati sha’nini munosib himoya qildilar.
Azimova Shahzoda — 61 kilogramm vazn toifasida faxrli 2-o‘rinni, Orolova Marjona — 65 kilogramm vazn toifasida 3-o‘rinni egallab, musobaqani munosib yakunladi.
Bu yutuqlarda sportchilarimizning mehnati, matonati va albatta, ularning ustozi — Ayollar kurashi bo‘yicha viloyat bosh murabbiyi Choriyor Abdurasulovning hissasi beqiyosdir.
Ushbu zafarlar yurtimiz yoshlariga ilhom bag‘ishlab, sport sohasidagi yangi marralarga yo‘l ochadi.
