Qumqo‘rg‘on tumani “Jaloyir” mahallasida zamonaviy va qulay sharoitlarga ega yangi to‘yxona tantanali ravishda foydalanishga topshirildi. Ochilish marosimi doirasida mahalladagi 6 nafar kam ta’minlangan oila farzandlarining sunnat to‘ylari ham o‘tkazilib, ularning quvonchiga quvonch qo‘shildi.
Tadbirda tuman hokimining o‘rinbosari N. Allanazarov ishtirok etib, mahalla ahlini va mehmonlarni ushbu muhim voqea bilan tabrikladi.
Yangi to‘yxonaning ishga tushirilishi “Jaloyir” mahallasining ijtimoiy hayotida muhim ahamiyat kasb etib, aholiga qo‘shimcha qulaylik yaratish va hudud infratuzilmasini yanada yaxshilashga xizmat qiladi.
