Sho‘rchi tumanidagi 122-maktab internatida Xalqaro nogironlar kuniga bag‘ishlab o‘tkazilgan tadbir har bir ishtirokchining qalbiga iliqlik, mehr va umid nurlarini olib kirdi. Maktab zalidagi quvonchli shovqin, bolalarning beg‘ubor tabassumi va sahna ortidan sezilib turgan orzular bu kunning o‘ziga xos ruhini yanada mustahkamladi.
Tadbir avvalida tuman hokimi Akbarali Ishmurzoyev o‘quvchilar va ustozlarni samimiy tabriklab, ularning jamiyatdagi o‘rni, qadr-qimmati va ularga ko‘rsatilayotgan e’tibor haqida iliq so‘zlar aytdi.
Sahnaga chiqqan har bir o‘quvchi va o‘qituvchi o‘z iste’dodi — qo‘shiq, she’r yoki kichik sahna ko‘rinishi orqali tomoshabinlarga ilhom ulashdi. Mayin kuylar ostida jo‘sh urgan mehr, mehr-oqibatning inson hayotidagi beqiyos o‘rnini yana bir bor yodga soldi.
Bu tadbir har bir qalbda mehr-muruvvat chirog‘ini yanada yorqinroq yoqqan, insoniylik fazilatlarini ulug‘lagan samimiy bayram bo‘ldi.
