Toshkent shahrida bo‘lib o‘tgan Karate ITKF turi bo‘yicha Osiyo chempionatida Sariosiyo tumani “Barkamol avlod” bolalar maktabi sportchilari munosib ishtirok etib, yuqori natijalarga erishdi.
Karate to‘garagi rahbari M. Nusratullayev boshchiligidagi yosh sportchilar 5 ta — 1-o‘rin, 3 ta — 2-o‘rin, 6 ta — 3-o‘rin, jami 14 ta medalni qo‘lga kiritdi. Bu yutuq nafaqat tumanning, balki butun viloyat yoshlarining iqtidor va salohiyatini yana bir bor namoyon etdi. Yosh karatekalarimizning mehnati, intilishi hamda murabbiylarining fidoyiligi bunday muvaffaqiyatlarda muhim o‘rin tutadi.
