Termiz shahrida xotin-qizlarning raqamli ko‘nikmalarini mustahkamlashga qaratilgan seminar-trening o‘tkazildi. Unda ishtirokchilar zamonaviy axborot texnologiyalaridan samarali foydalanish, internet xavfsizligi, onlayn xizmatlardan foydalanish, mobil ilovalar va elektron hukumat tizimining imkoniyatlari bo‘yicha amaliy bilimlarga ega bo‘ldilar.
Mutaxassislar shaxsiy ma’lumotlarni himoya qilish, onlayn firibgarliklardan ehtiyot bo‘lish hamda raqamli vositalardan foydalangan holda turli faoliyat turlarini rivojlantirish bo‘yicha tushuntirishlar berib, foydali tavsiyalarni ulashdilar.
Mazkur seminar xotin-qizlarning raqamli madaniyatini yuksaltirish, ularni zamonaviy raqamli muhitda faol bo‘lishga undash va yangi imkoniyatlardan samarali foydalanishini qo‘llab-quvvatlashga xizmat qildi.
