Termiz davlat muhandislik va agrotexnologiyalar universitetining o‘quv-tajriba xo‘jaligida amaliy ishlar boshlandi.
Universitet jamoasi 3 gektar maydonda yangi bog‘ barpo etib, 400 dan ortiq bodom, erta pishar shaftoli va o‘rik ko‘chatlarini ekdi. Qolgan 8 gektar hudud esa doktorantlar uchun ilmiy-tadqiqot maydoni sifatida ajratildi. Bu yerda hudud iqlimiga mos sabzavot va poliz ekinlari yetishtirishga tayyorgarlik ko‘rilgan.
Yangi maydonlarda tadqiqotchilar qishloq xo‘jaligi ekinlarini ilmiy asosda o‘rganib, amaliy tajribalar olib borish imkoniga ega bo‘ladi.
