Denov tumanining “O‘zgarish” mahallasida istiqomat qilayotgan Murodjon Abdullayev oilaviy ko‘chatchilik yo‘nalishida ibratli faoliyat ko‘rsatib kelmoqda. Mahalla yoshlar yetakchisi ko‘magida u 33 million so‘m kredit olib, ko‘chatchilik faoliyatini kengaytirdi. Natijada Murodjon yiliga 100 million so‘mdan ortiq daromad topishga erishdi.
2026-yilgi 153-sonli qaror asosida unga ko‘chatchilikni yanada rivojlantirishi uchun qo‘shimcha yer maydoni ajratilishi belgilandi.
Murodjonning ushbu yutug‘i — “Yoshlar daftari – imkoniyatlar daftari” orqali taqdim etilgan imkoniyatlar yoshlar hayotida qanday real o‘zgarishlar yaratishini yana bir bor namoyon etmoqda. Uning mehnati, tashabbusi va intilishi boshqa yoshlar uchun ham motivatsiya bo‘la oladi.
