Angor tumani 5-sonli umumiy o‘rta ta’lim maktabining 7-sinf o‘quvchisi Sunnatbek Qurbonmurodov “Ohanglar jilosi” Respublika tanlovida doira chalish mahoratini namoyish etib, faxrli 1-darajali diplomni qo‘lga kiritdi.
Bu yutuq yosh iste’dodning tinimsiz mehnati, ustozlarining e’tibori, ota-onasining qo‘llab-quvvatlashi va ta’lim muassasasi yaratgan imkoniyatlar samarasidir. Sunnatbekning muvaffaqiyati yoshlar orasida san’atga bo‘lgan qiziqish va ijodiy intilishlar yanada kuchayib borayotganidan dalolat beradi.
