Surxondaryo viloyati hokimi Ulug‘bek Qosimov Qumqo‘rg‘on tumanidagi 25-son maktabda ta’lim sohasidagi vazifalar ijrosini o‘rgandi. Maktabda amalga oshirilgan ta’mirlash ishlari natijasida o‘quvchilar uchun qulay sharoitlar yaratilgani bilan tanishdi va o‘quvchilar bilan suhbatlashdi.
Shundan so‘ng, ijtimoiy soha va ta’minot tizimi vakillari bilan uchrashuv o‘tkazilib, ta’lim muassasalarini sog‘lom ovqat bilan ta’minlash, bolalar qamrovini oshirish hamda past ko‘rsatkichli maktablar faoliyatini takomillashtirish masalalari muhokama qilindi.
Viloyat hokimi mutasaddilarga ta’lim sifatini yangi bosqichga ko‘tarish va islohotlarning samaradorligini oshirish bo‘yicha topshiriqlar berdi.
