YUNESCOning Samarqanddagi 43-sessiyasi doirasida “Turkiy xalqlar folklori ko‘p jildligi” to‘plamining ilk jildi taqdimoti bo‘lib o‘tdi. Ushbu nufuzli loyiha O‘zbekiston Prezidenti tashabbusi bilan Turkiy madaniyati va merosi fondi tomonidan chop etilmoqda.
Birinchi jildda ozarbayjon, qozoq, qirg‘iz, turk va o‘zbek xalqlarining eng mashhur qahramonlik eposlari — “Kitabi Dada Qo‘rqud”, “Go‘ro‘g‘li”, “Alpomish”, “Qoblandi botir”, “Manas”, “Rustamxon”, “Murodxon” kabi dostonlar joy olgan.
Bu asarlar nafaqat adabiy yodgorlik, balki turkiy xalqlarning tarixiy xotirasi, jasorat va vatanparvarlik timsoli sifatida katta ahamiyatga ega.
Loyiha turkiy dunyoning yetakchi folklorshunos olimlari tomonidan tayyorlangan bo‘lib, keyingi jildlarda folklorning barcha janrlarini o‘z ichiga olgan eng sara namunalar chop etilishi rejalashtirilgan.
