Surxondaryoda “Yangi O‘zbekiston qiyofasi” konsepsiyasiga kiritilgan mahallalarda “Taraqqiyot va yetakchilik maskani” dasturi doirasidagi ishlar Termiz, Angor, Muzrabot, Sherobod, Qiziriq, Bandixon va Boysun tumanlarida taqdim etildi. Taqdimotlarda mahallalarning ijtimoiy va infratuzilmaviy holati, amalga oshirilayotgan ishlar natijalari muhokama qilindi.
Viloyat hokimi Ulug‘bek Qosimov hududdagi muammolarni hal etishga oid aniq vazifalar belgilab, faol mahalla raislariga esdalik sovg‘alari topshirdi. Shuningdek, oziq-ovqat zaxirasini yaratish va mavsumga tayyorgarlik masalalari ham ko‘rib chiqildi.
