Sog‘liqni saqlash vazirligi tomonidan respublika miqyosida bog‘cha hamshiralarining malakasini oshirish bo‘yicha qisqa muddatli o‘quv kurslari tashkil etilmoqda. Shu jumladan, Surxondaryo viloyatida ham o‘quv mashg‘ulotlari bo‘lib o‘tmoqda. Mazkur o‘quvlarda davlat maktabgacha ta’lim tashkilotlarida faoliyat yuritayotgan 631 nafar hamshiralar ishtirok etib, o‘z bilim va ko‘nikmalarini yanada mustahkamlashmoqda.
Mashg‘ulotlar respublika o‘rta tibbiyot va farmatsevtika xodimlari malakasini oshirish va ularni ixtisoslashtirish markazi hamda uning hududiy filiallari tomonidan o‘tkazilmoqda. O‘quv jarayonlari yakunida ishtirokchilarga belgilangan tartibda sertifikatlar topshiriladi.
