Termiz shahrida o‘tkazilgan “Muay Thai” bo‘yicha O‘zbekiston Kubogi – 2025 musobaqasida Termiz davlat universiteti talabasi Sanjar Nasreddinov 71 kilogramm vazn toifasida yuqori mahorat, kuch va g‘ayrat namoyish etib, barcha raqiblarini ishonchli tarzda mag‘lub etdi.
Sanjar ketma-ket g‘alabalar bilan final bosqichiga yo‘l oldi va hal qiluvchi jangda ham raqibiga imkon qoldirmay, O‘zbekiston kubogi g‘olibi unvonini qo‘lga kiritdi. Bu natija nafaqat sportchining shaxsiy yutug‘i, balki Termiz davlat universitetining sport salohiyatini namoyon etuvchi yirik muvaffaqiyatdir.
Sanjarning bu g‘alabasi yoshlarimizning irodasi, fidoyiligi va mehnatsevarligini yana bir bor tasdiqladi. U o‘zining qat’iyati, intilishi va sportga bo‘lgan muhabbati bilan ko‘plab talabalar uchun haqiqiy motivatsiya va faxr manbayiga aylandi.
