Yurtimiz sportchilari xalqaro maydonlarda yuksak natijalarga erishishda davom etmoqda. Shunday iqtidorli yoshlarimizdan biri — Qiziriq tumani sport maktabi tarbiyalanuvchisi Abdujabborova E’zoza yirik musobaqada muvaffaqiyatli ishtirok etdi.
Misr Arab Respublikasining Qohira (Kayr) shahrida o‘tkazilgan yoshlar, o‘smirlar va kattalar o‘rtasidagi parapowerlifting bo‘yicha Jahon chempionatida E’zoza 60 kg vazn toifasida bahsga kirishib, faxrli 3-o‘rinni egalladi.
Ushbu yutuq nafaqat sportchining shaxsiy mehnati, balki Qiziriq sport maktabida olib borilayotgan samarali ishlarning, yurtimizda sportga, ayniqsa imkoniyati cheklangan yoshlar sportiga qaratilayotgan e’tibor va g‘amxo‘rlikning amaliy ifodasidir.
