O‘zbekiston Respublikasi Prezidentining 2024-yil 5-sentabrdagi “Davlat tibbiy sug‘urtasi mexanizmlarini joriy etishga oid chora-tadbirlar to‘g‘risida”gi PQ-311-son qarori ijrosini ta’minlash maqsadida Termiz shahrida keng qamrovli seminar bo‘lib o‘tdi. Tadbirda shahar hokimligi mutasaddilari, tibbiyot birlashmasi rahbarlari, mutaxassislar va jamoatchilik vakillari ishtirok etdi.
Yig‘ilishda aholi uchun birlamchi tibbiy-sanitariya yordamini sifatli va samarali ko‘rsatish, imtiyozli toifadagi bemorlarga kafolatlangan bepul xizmatlar ko‘rsatish, shuningdek, “Elektron poliklinika” va “Elektron shifoxona” tizimlarini joriy etish masalalari muhokama qilindi.
Davlat tibbiy sug‘urtasi joriy etilishi natijasida aholiga ko‘rsatiladigan bir qator xizmatlar va dorilar Davlat byudjeti mablag‘lari hisobidan bepul taqdim etilishi ta’kidlandi.
