Termiz davlat muhandislik va agrotexnologiyalar universitetining Agrobiologiya fakultetida 1-kurs talaba-qizlari ishtirokida ma’naviy-ma’rifiy davra suhbati tashkil etildi. Tadbirda Xotin-qizlar maslahat kengashi raisi, fakultet dekani maslahatchilari hamda psixolog qatnashdi.
Suhbat davomida qizlarga odob-axloq qoidalariga rioya qilishning hayotdagi o‘rni, kiyinish va muomala madaniyatida go‘zallik va soddalik uyg‘unligini saqlash, o‘zini anglash hamda psixologik savodxonlikni oshirish borasida foydali tavsiyalar berildi.
Shuningdek, fakultetda “Qizlarjon”, “Lider qizlar” va “Qizlar ovozi” kabi klublar faoliyatini yo‘lga qo‘yish, iqtidorli qizlarni saralash va ularni kasb-hunarga yo‘naltirish masalalari muhokama qilindi.
