Termiz davlat universitetida joriy 2025/2026-o‘quv yilida qariyb 5000 nafarga yaqin yosh talabalikka tavsiya etildi. Bugun universitetda “Vatan uchun, millat uchun, xalq uchun!” shiori ostida 1-kursga o‘qishga qabul qilingan talabalar va ularning ota-onalari, masʼullar va professor-oʼqituvchilar ishtirokida yangi o‘quv yiliga bag‘ishlangan tadbir bo‘lib o‘tdi.
Marosimda so‘z olganlar talabalik baxtiga muyassar bo‘lgan yoshlarni samimiy qutlab, ularga ezgu tilaklar bildirishdi. Tantanadan so‘ng esa auditoriyalarda “Mustaqillik darslari” o‘tkazildi. Talabalar “Birinchi kurs maktabi” va “Talabalikka bag‘ishlov” tadbirlari orqali universitet hayoti va o‘quv jarayoni bilan yaqindan tanishtirildi.
