“Kambag‘allikdan farovonlik sari” dasturi doirasida bugun Jarqo‘rg‘on va Sherobod tumanlarida yangi ilk rivojlanish markazlari foydalanishga topshirildi. Ochilish marosimida viloyat Maktabgacha va maktab ta’limi boshqarmasi boshlig‘i Xusniddin Mamadiyev ishtirok etdi.
Markazlar maktabgacha ta’limga jalb etilmagan bolalarga teng imkon yaratish, ularning jamiyatga moslashuviga ko‘maklashish, har tomonlama rivojlanishini ta’minlashni maqsad qilgan.
Ushbu markazlarga ijtimoiy himoyaga muhtoj oilalar farzandlari birinchi navbatda qabul qilinadi va xizmatlar mutlaqo bepul bo‘ladi. Endilikda 480 nafar bola maktabgacha ta’lim bilan qamrab olinadi.
Tajribali tarbiyachi pedagoglar tomonidan 3-6 yoshli bolalar uchun 3,5–4 soatlik qisqa muddatli mashg‘ulotlar oʻtilsa, maxsus ta’lim guruhlarida pedagoglar 2-7 yoshli maxsus ehtiyojli bolalarga uyida ta’lim-tarbiya beradi.
