Termiz davlat muhandislik va agrotexnologiyalar universiteti doktoranti Furqat Nurmamatov ilmiy izlanishlari natijasida rayhonning bir-biridan xos xususiyatlari va xushboʻy hidi bilan ajralib turadigan 56 xil navi yaratildi.
Ular orasida ayvon (balkon) sharoitida ham oson parvarishlanadigan, oʻta xushboʻy va hatto qish faslida ham koʻkarib turadigan “Gulchaman” navi alohida ahamiyatga ega.
Mazkur tadqiqot nafaqat ilmiy jihatdan muhim, balki talabalar uchun amaliy tajriba va daromad manbai sifatida ham qimmatli hisoblanadi.
