Surxondaryo viloyatining barcha tuman va shaharlarida yangi ijtimoiy, ta’limiy hamda ishlab chiqarish obyektlari foydalanishga topshirildi. Mazkur bunyodkorlik ishlari aholining turmush darajasini yanada oshirish, farovon hayot sharoitlarini yaratishga xizmat qilmoqda.
Angor tumanida ham sana munosabati bilan umumiy qiymati 20 milliard so‘mga teng 9 ta yangi obyekt qurib bitkazildi va foydalanishga topshirildi. Mazkur obyektlar qatorida ta’lim muassasalari, maktabgacha ta’lim tashkilotlari, shuningdek, madaniyat va sport yo‘nalishidagi obektlar mavjud. Barchasi zamonaviy, me’moriy talablar asosida barpo etilib, aholiga keng ko‘lamli qulayliklar yaratdi.
Mustaqilligimizning 34 yilligi arafasida amalga oshirilgan bunyodkorlik ishlari Angor tumanida ham ijtimoiy sohalarni rivojlantirish, yoshlarga, o‘qituvchilarga, tibbiyot xodimlariga hamda barcha fuqarolarga munosib sharoitlar yaratishda muhim qadamlardan biri bo‘ldi.
