Yurtimiz taraqqiyoti va ravnaqiga munosib hissa qo‘shib kelayotgan har bir soha vakillarini qo‘llab-quvvatlash, ular uchun munosib mehnat va yashash sharoitlarini yaratish davlat siyosatining ustuvor yo‘nalishlaridan biri hisoblanadi.
Davlatimiz Mustaqilligining 34 yilligi bayrami munosabati bilan Boysun tumani yo‘llardan foydalanish korxonasi davlat muassasasi 317-yo‘l bo‘limi ishchi-xodimlari uchun maxsus xizmat uyi foydalanishga topshirildi.
Mazkur xizmat uyi zamonaviy talablarga javob beradigan, qulay va shinam holatda qurilib, ishchi-xodimlarning kuz-qish mavsumidagi faoliyatini samarali tashkil etish, tun-u kun navbatchilik davomida dam olishlari uchun barcha shart-sharoitlar yaratildi.
Tadbir doirasida tantanali ochilish marosimi tashkil etilib, mehnat jamoasi uchun bayram dasturxoni yozildi. Yo‘lsozlik sohasida fidokorona mehnat qilayotgan ishchi-xodimlarga esdalik sovg‘alari topshirildi.
