Bugungi kunda ko‘plab yoshlarimiz chet elga o‘qish yoki ishlash maqsadida chiqmoqda. Ammo ular o‘zining huquq va majburiyatlarini to‘liq bilmasligi, ba’zida turli muammolarga sabab bo‘ladi.
Ana shunday muammolarning oldini olish va yoshlarni xabardor qilish maqsadida mahallalardagi yoshlar yetakchilari uchun o‘quv-seminar tashkil etildi. Ular xavfsiz migratsiya, moliyaviy savodxonlik hamda odam savdosining oldini olish bo‘yicha yangi bilim va ko‘nikmalarga ega bo‘lishdi.
Tadbir Yoshlar ishlari agentligi, O‘zbekiston yoshlari umumjahon assotsiatsiyasi va Xalqaro Migratsiya Tashkiloti (IOM) hamkorligida o‘tkazildi. Shuningdek, seminarda xalqaro ekspertlar, xususiy bandlik agentliklari va Migratsiya agentligi vakillari ishtirok etib, yetakchilarga o‘z tajriba va bilimlarini ulashdilar.
