Investitsiya loyihalarining amalga oshirilishini o‘rganish maqsadida viloyat hokimi Termiz shahridagi “Shifokor” mahallasida joylashgan “Turk Lab” MCHJ xorijiy korxonasida boʻldi. U yerda korxona tomonidan tibbiy laboratoriya va sog‘lomlashtirish markazi tashkil etish loyihasi taqdimoti hamda investorlar bilan suhbat o‘tkazildi.
Korxona aholiga sifatli tibbiy va sog‘lomlashtirish xizmatlarini ko‘rsatish, shuningdek, viloyatda ko‘p uchraydigan kasalliklar hamda zararli hasharotlarga qarshi kurashish bo‘yicha ilmiy ishlar olib borishni maqsad qilgan. Viloyat rahbari loyihani amalga oshirish jarayonidagi muammolarni bartaraf etish yuzasidan tegishli chora-tadbirlarni belgilab berdi.
